Kecən həftədən başlayaraq şənbə və bazar günləri Abşeron rayon İcra Hakimiyyətinin təşkilatçılığı ilə Xırdalan şəhərində kənd təsərrüfatı məhsullarının satış-yarmarkası kecirilir.
Əhalinin ərzaq məhsullarına olan tələbatını ödəmək, süni qiymət artımının qarşısını almaq məqsədi daşıyan yarmarkada alıcı və satıcıların rahatlığı üçün hər cür şərait yaradılıb, məhsulların keyfiyyətli olması nəzarətdə saxlanılır.
Yarmarkalara 250-dən çox sahibkar, 140 nəfər fərdi məhsul istehsalçısı cəlb edilib. Həftənin şənbə və bazar günləri təşkil olunan yarmarkaya səhər saat 8-dan start verilir. Respublikanın ayrı-ayrı rayonlarından gələn fermerlər satışa 250 tondan çox kənd təsərrüfatı məhsulları çıxarıblar. Yarmarkada müxtəlif növ ərzaq məhsulları, o cümlədən meyvə tərəvəz, toyuq, süd məhsulları, ət, həmçinin müxtəlif çeşiddə çərəzlər satışa çıxarılır. Son yarmarkada 3 ton kartof, 5 ton meyvə, 3 tona yaxın ət və digər zəruri mallar satılıb.
Yarmarkaya çıxarılan bütün məhsullar üçün alıçılara sərfəli qiyymət həddi müəyyən edilib. Beləliklə, 1 kiloqram kartof 60 qəpik, soğan 60 qəpik, kələm 20-25 qəpik, yumurta 13 qəpik qiymətində müəyyənləşdirilərək alıcılara təqdim edilir. Növündən asılı olaraq örtülü istixanalarda yetişdirilən pomidorun 1 kiloqramı 1,50 -2 manat , xiyarın 1 kiloqramı 1 -1,50 manat , mal əti 4-5 manat, qoyun əti 5-6 manat dəyərində satılır.
Yarmarkanın ərazisində nəzarət- toksikologiya laboratoriyası və baytarlıq nəzarət xidmətinin əməkdaşları tərəfindən müayinələr aparılır. Alıcılar yarmakaya çıxıarılan məhsulların qiymətlərindən razılıqlarını ifadə edir, təşkilatçılara təşəkkürlərini bildirirlər.
Kənd təsərrüfatı məhsullarının satış yarmarkası Xırdalan şəhərində hər həftənin şənbə və bazar günləri olmaqla mütəmadi təşkil olunacaqdır. Növbəti yarmarkalarda məhsulların çeşidlərinin sayı daha da artırılacaq.