Abşeron Rayon İcra Hakimiyyətinin təşkilatçılığı ilə Masazırda yerləşən valideyn himayəsindən məhrum olmuş uşaqlar üçün nəzərdə tutulan “Məzun evi” Sosial Müəssisəsinin məzunu İsayev Ümid və İsayeva Samirənin toy mərasimi keçirilib. “Brilyant” şadlıq sarayında baş tutan toyda Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, komitənin sədr müavini Sədaqət Qəhrəmanova, Abşeron RİH-nin müavinləri Fuad Cəbrayılov, İlham Quliyev, rayon icra hakimiyyətinin əməkdaşları, “Məzun evi” Sosial Müəssisəsinin direktoru Ruxsarə Axundova, rayon ziyalılları və müxtəlif yaş kateqoriyalarına aid olan 60 kimsəsiz uşaq iştirak edib.
Mərasimdə çıxış edən Abşeron RİH-nin müavinləri F.Cəbrayılov və İlham Quliyev ehtiyacı olanlara əl tutmaq və onların problemlərinə şərik çıxmağın Azərbaycan xalqının təfəkküründə dərin köklərə malik olduğunu qeyd edərək, Azərbaycan hökumətinin və Heydər Əliyev Fondunun valideyn himayəsindən məhrum olmuş uşaqların problemlərinə xüsusi diqqət yetirdiyini bildiriblər.
Toy mərasimində iştirak edən Hicran Hüseynova da hər iki gəncə xoş arzularını çatdırıb, sevinclərini bölüşüb.
Xoşbəxt cütlük də göstərilən yüksək diqqət və qayğıya görə dövlət basşçısı İlham Əliyevə və Heydər Əliyev Fondunun prezidenti Mehriban Əliyevaya minnətdarlıqlarını biliriblər.
Məlumat üçüb bildirək ki, xoşbəxt cütlük Azərbaycanın Birinci Xanımı, Heydər Əliyev Fondunun prezidenti Mehriban Əliyevanın təşəbbüsü ilə dövlət uşaq müəssisələrinin valideyn himayəsindən məhrum, kimsəsiz məzunları üçün inşa olunan yaşayış binasında mənzillə təmin olunub. Toy mərasimindən sonra bu xoşbəxt cütlük həmin mənzildə yaşayacaq. Mənzil Azərbaycan Prezidentinin tapşırığına uyğun olaraq bütün məişət avadanlıqları ilə təmin edilib.
Toy mərasimi ilə əlaqədar yeni ailə quran kimsəsizlərə Abşeron rayon icra hakimiyyəti tərəfindən cehiz hədiyyələr təqdim edilib. Toyu Azərbaycanın əməkdar artisti Yusif Mustafayev aparıb. Bununla belə tanınmış müğənnilər Elza Seyidcahan, aşıq Telli Borçalı və digərləri öz ifaları ilə qonaqları sevindirib.
Şamo Əliyev
