Yeni Azərbaycan Partiyası Abşeron rayon təşkilatının qərargahında referendum üzrə “Yeni Azərbaycan” təşviqat qrupunun Azərbaycan Respublikasının Konstitusiyasına əlavə və dəyişikliklərlə bağlı ilk dəfə səs verəcək seçicilərlə görüşü keçirilib.Tədbiri giriş sözü ilə Yeni Azərbaycan Partiyası Abşeron rayon təşkilatının sədri Bilman Vəliyev açaraq Konstitusiyaya təklif olunan əlavə və dəyişikliklərlə bağlı məlumat verib.
Görüşdə çıxış edən rayon Gənclər və İdman idarəsinin rəsi Əsgər Əmirəliyev qeyd edib ki, Konstitusiyaya nəzərdə tutulan dəyişikliklər tarixi zərurətdən irəli gəlir. 26 sentyabrda keçiriləcək referendumda Konstitusiya ilə bağlı 29 maddə vətəndaşların müzakirəsinə təqdim olunacaq. Onlardan 23-ü dəyişikliklər, 6-sı isə əlavələrdir.
Toplantıda çıxış edən Yeni Azərbaycan Partiyası Abşeron rayon Gənclər Birliyinin sədri Elgün Hümbətov ilk dəfə səs verən gənclərə öz gələcək fəaliyyətlərində uğurlar diləyib və qeyd edib ki, Konstitusiyaya təklif edilən əlavə və dəyişikliklər biz gənclərin gələcəyi üçün nurlu bir işıqdır. Biz gənclər həmrəy olub təklif olunan dəyişikliklərə hə deyəcəyik.
Sonda İlk dəfə səs verəcək gənclərdən birneçəsi ayrı-ayrılıqda çıxış edərək qarşıdan gələn ümumxalq səsverməsi-referendumda yaxından iştirak edəcəklərini və öz gələcəklərinə səs verəcəklərini bildiriblər.
Şamo Əliyev