Xırdalan şəhər 2 nömrəli məktəbin və “Abşeron Xəbər” informasiya portalınının birgə təşkilatçılığı ilə 9 noyabr - Dövlət Bayrağı Günü ilə əlaqədar irimiqyaslı fləşmob keçirilib.
“3 rəngin sehrinə şahid ol” şüarı altında Heydər Əliyev Mərkəzinin ərazisində 300-dən çox şagird-gəncin iştirakı ilə keçirilmiş fləşmobda iştirakçılar üzərində Azərbaycanın dövlət bayrağı əks olunmuş çətirləri birləşdirərək Azərbaycan bayrağı təsvirini yaradıblar. Gənclərin Bayraq Günü münasibət ilə Abşeron rayonunda təşkil etdiyi flaşmob-u sakinlər böyük maraqla izləyiblər.
Abşeron Xəbər-ə müsahibə verən Xırdalan 2 nömrəli məktəbin direktoru Ədalət Camalova qeyd edib ki, Flaşmobun keçirilməsində əsas məqsəd bir daha dövlət bayrağına olan hörməti, sevgini nümayiş etdirmək və bütün dünyaya göstərmək olub.