Ümummilli lider Heydər Əliyevin rəhbərliyi ilə təsis olunan YAP-ın ölkəmizin ictimai-siyasi həyatında, xalqımızın müstəqilliyin itirilməsi təhlükəsindən xilas olunmasında və respublikamızın dinamik inkişaf yoluna çıxarılmasında roluyüksək olub. YAP yarandıqdan sonra ilk təsis olunan rayon təşkilatlarından biri də Abşeron rayon təşkilatıdır.
Abşeron Xəbər-ə müsahibə verən Yeni Azərbaycan Partiyası Abşeron rayon təşkilatının sədri Bilman Vəliyev bildrib ki,
1993-cü il fevralın 22-də ilk təsis konfransını keçirən Yeni Azərbaycan Partiyası Abşeron rayon təşkilatı bu gün 129 ərazi üzrə ilk partiya təşkilatında 8336 nəfər partiyanın üzvünü birləşdirir. Bu gün YAP rayon təşkilatının üzvlərindən 5028 nəfəri qadınlar, 3935 nəfəri gənclər təşkil edir. Ali təhsilli üzvlərin sayı 4383 nəfərdir. Təkcə son 6 ayda 300 nəfər partiyanın sıralarına qəbul olmuşdur. Onlardan 194 nəfərini gənclər təşkil etmişdir. Ötən müddət ərzində YAP Abşeron rayon təşkilatı öz sıralarını daim genişləndirərək partiyanın Proqram və Nizamnaməsinə uyğun olaraq qarşıya qoyulan vəzifələri daha ləyaqətlə həyata keçirməkdədir.
Prezident İlham Əliyevin rəhbərliyi ilə Azərbaycanın sürətlə inkişaf edərək mühüm nailiyyətlər qazanıb.Bu uğurlarda üzvlərinin sayı 700 minə çatan YAP-ın mühüm rol oynadığını hamımız yaxşı bilirik. Bu gün YAP böyük ictimai-siyasi qüvvə olmaqla yanaşı, regionun ən qüdrətli partiyasıdır. Partiyanın avanqard qüvvələrindən olan YAP Abşeron rayon təşkilatının üzvləri də ictimai-siyasi proseslərdə fəal iştirak edirlər.
Şamo Əliyev