Abşeron rayonunun 2 komandası “Azərbaycanın intellektual birincisi” layihəsində Respublika çempionu oldu
Absheronxeber.az-a bu barədə müsahibə verən Abşeron rayon Gənclər və İdman İdarəsinin rəisi Əsgər Əmirəliyev bildirib ki, Azərbaycan Respublikası Gənclər və İdman Nazirliyinin dəstəyi ilə və "İrəli" İctimai Birliyi təşkilatçılığı ilə həyata keçirilən "Azərbaycanın İntellektual BİRincisi" layihəsinin final mərhələsi başa çatdı.
06 dekabr 2017-ci il tarixində Azərbaycan İntellektual BİRincisi layihəsinin final mərhələsinin oyunları və bağlanış mərasimi keçirilmişdir. "İRƏLİ" İctimai Birliyi gənclərin maarifləndirilməsi, intellektual səviyyəsinin daha da inkişaf etdirilməsi, gənclərin asudə vaxtının səmərəli təşkil olunması, ölkə daxilində mütəmadi olaraq bir neçə yarışların vahid turnir altında reallaşdırılması məqsədi ilə Azərbaycan Respublikası Gənclər və İdman Nazirliyinin dəstəyi ilə baş tutan "Azərbaycanın İntellektual BİRincisi" layihəsini ərsəyə gətirdi.
"Azərbaycanın intellektual Birincisi" layihəsinin bağlanış mərasimində Milli Məclisin Gənclər və İdman Komitəsinin rəhbəri Fuad Muradov, Azərbaycan Respublikası Prezidenti yanında Gənclər Fondunun icraçı direktoru Fərhad Hacıyev və "İRƏLİ" İctimai Birliyinin sədri Mirhəsən Seyidov çıxış edib, layihə haqqında öz fikirlərini səsləndiriblər.
"Axtar-tap" və "Nə, harada, nə zaman?" intellektual oyunlarının hər birində 1-ci yeri Abşeron rayonunun gənc intellektualları qazanıblar.
Qaliblər kubok, medal, diplom və hədiyyələrlə mükafatlandırıldılar.
Şamo Əliyev
