Xırdalan şəhər Musiqi Məktəbinin kollektivi Sumqayıtda konsert proqramı ilə çıxış edib (Video+Foto)
Tarix:11-03-2018, 16:51
Azərbaycan Xalq Cümhuriyyətinin 100 illiyi münasibəti ilə silsilə tədbirlər çərçivəsində, Sumqayıt şəhərində “28 May” mədəniyyət evində , Abşeron rayon Xırdalan şəhər 11 illik musiqi məktəbinin xalq çalğı alətləri orkestri “Milli naxışlar” adlı ilk konsert proqramı ilə çıxış edib.
Konsert proqramı respublikanın əməkdar müəllimi İkram Manafov tərəfindən idarə olunub.
Proqramda Sumqayıt Regional Mədəniyyət və Turizm idarəsinin rəisi Mehman Şükürov, Sumqayıt Regional Mədəniyyət və Turizm İdarəsinin baş məsləhətçisi İlham Manafov, ziyalılar, elm adamları və valdiyenilər iştirak edib.
Tədbiri giriş sözü ilə açan Musiqi məktəbinin direktoru İkram Manafov Azərbaycan Prezidenti İlham Əliyevin 2017-ci ilin may ayında Azərbaycan Xalq Cümhuriyyətinin 100 illik yubileyinin qeyd edilməsi haqqında Sərəncam imzalamasının dövlətçilik tariximizə böyük hörmət olduğunu vurğulayıb. Bildirilib ki, bu gün Azərbaycan Xalq Cümhuriyyətinin yaranması dövlət səviyyəsində yüksək səviyyədə qeyd olunur.
Tədbirdə məktəbin xalq çalğı alətləri orkestri , xanəndəlik, saz sinfi şagirdlərinin, nağaraçılar ansamblının çıxışları tamaşaçılar tərəfindən alqışlarla qarşılanıb. Konsert proqramının sonunda çıxış edən Mehman Şükürov məktəb kollektivinin çıxışlarından məmnun olduğunu bildirərək, onlara gələcək işlərində uğurlar arzulayıb.