28 iyun 2018-ci il tarixdə Abşeron rayon İcra Hakimiyyətində işinə bağlılığı, bacarığı, vicdanlı xidməti ilə kollektivin və rayon ictimaiyyətinin dərin hörmətini qazanmış, Abşeron rayon Mənzil Kommunal Təsərrüfat Birliyinin müdiri Hüseyin Həsənovun 47-ci doğum günü qeyd olundu.
Rayon İcra Hakimiyyətinin başçısı İradə Gülməmmədova Hüseyin Həsənovun əmək fəaliyyətini yüksək qiymətləndirərək ad günü münasibətilə təbrik etdi və ona uzun ömür, can sağlığı arzuladı. Növbəti belə tədbirləri işğaldan azad olunmuş torpaqlarımızda qeyd etməyi arzulayan xanım başçı rayonun ictimai-siyasi həyatında fəal iştirakına görə və anadan olmasının 47 illiyi münasibəti ilə Hüseyin Həsənova Fəxri Fərman və qiymətli hədiyyə təqdim etdi.
Təbriklərə qoşulan Rayon İcra Hakimiyyətinin məsul işçiləri Hüseyin müəllimə ən səmimi arzularını bildirdilər, onun müsbət mənəvi keyfiyyətlərindən, xidmətlərindən söz açdılar.
Görüşün sonunda H.Həsənov rayon rəhbəri İradə Gülməmmədovaya ziyalılara, dövlət qulluqçularına göstərilən diqqət və qayğıya, yubileylərin, əlamətdar günlərin və digər tədbirlərin yüksək səviyyədə qeyd olunduğuna görə dərin minnətdarlığını bildirdi.
Şamo Əliyev
