Hər bir ölkənin gələcəyi təhsilin səviyyəsi ilə ölçülür. Sevindirici haldır ki, müstəqil Azərbaycanda iqtisadiyyatın tərəqqisi milli təhsilin inkişafına öz müsbət təsirini göstərir. Son illər ölkəmizin hər yerində olduğu kimi, Abşeron rayonunun təhsil sistemində də nəzərəçarpan uğurlar əldə olunur.
Rayonun təhsil sistemində qazanılan uğurlar, ilk növbədə, dövlətimizin, şəxsən Prezident¬ ¬İlham Əliyevin bu mühüm sahənin inkişafına göstərdiyi yüksək diqqət və qayğının sayəsində mümkün olub. Abşeron rayon İcra Hakimiyyətinin başçısı İradə Gülməmmədovanın təhsilimizə, gənc nəslin inkişafına yönəlmiş qayğısı və dəstəyi də rayonun təhsil işçiləri tərəfindən dərin razılıq hissi ilə qarşılanır.
Təhsil sahəsində qazanılan uğurlar məktəbəqədər təhsildən başlayır. Ona görə də Abşeron rayonunda məktəbəqədər təhsilin maddi-texniki bazasının gücləndirilməsi də diqqət mərkəzindədir. Son 5 ildə Abşeron rayonunda 10-a yaxın uşaq bağçası-körpələr evi tikilib, mövcudları isə cari və əsaslı təmir edilib.
Hazırda Abşeron rayonu üzrə 10 şəhər məktəbi, 18 qəsəbə və 13 kənd məktəbi, ümumilikdə, 40 tam orta, 1 ümumi orta təhsil müəssisəsi və 31 uşaq bağçası fəaliyyət göstərir. Rayonda 3963 müəllim 57 min 476 şagirdin təlim tərbiyəsi ilə məşğul olur. Son 5 ildə Masazır qəsəbə 4 nömrəli tam orta məktəb üçün 800 şagird yerlik, Masazır qəsəbə 4 nömrəli tam orta məktəbi üçün 1200 şagird yerlik, Mehdiabad qəsəbə 5 nömrəli tam orta məktəbi üçün 1200 şagird yerlik yeni məktəb binaları tikilərək istifadəyə verilib. Bu günlərdə isə Xırdalan şəhər 3 nömrəli tam orta məktəb üçün 1176 şagird yerlik əlavə korpusun tikintisinə başlanmışdır.
Xüsusi fəxr ilə qeyd etmək istərdik ki, rayon rəhbəri İradə Gülməmmədovanın rayon məktəblərində şagird sıxlığının aradan qaldırılması üçün adiyyatı qurumlar qarşısında qaldırdığı məsələnin,Təhsil nazirliyi rəhbərliyi ilə apardığı danışıqların nəticəsi olaraq, gələn ildən Abşeron rayonunda 7 məktəb binasının inşasına başlanılacaq.
