Abşeron rayon İcra Hakimiyyətinin başçısı İradə Gülməmmədova Prezident İlham Əliyev yanvarın 9-da “Abşeron rayonunun ərazisində avtomobil yollarının əsaslı təmiri ilə bağlı əlavə tədbirlər haqqında” imzaladığı Sərəncama əsasən Masazır kəndinin təmir olunacaq küçələrinə baxış keçirib.Həmin ərazidə yaşayan sakinlərlə görüşən icra başçısı vətəndaşlarla səmimi söhbət apararaq, onların problemləri ilə yaxından tanış olub və müəyyən məsələlərin operativ həlli üçün aidiyyatı məsul şəxslərə müvafiq tapşırıqlar verib.
Xanım başçı qeyd edib ki, Sərəncama əsasən Masazır kəndinin Qaçaq Nəbi, Hacı Zeynalabdin Tağıyev, Faiq Həsənov, Nazim Əsədov və Akim Abbasov küçələri Azərbaycan Avtomobil Yolları Dövlət Agentliyi tərəfindən yenidən əsaslı şəkildə qurulacaq .
