Xırdalanın Zərifə Əliyeva küçəsinə yeni asfalt örtüyü döşənir.Rayonun daxili imkanları hesabına əsaslı şəkildə yenidən qurulan Zərifə Əliyeva küçəsinin uzunluğu 360 metr, eni isə 14-17 metr təşkil edir. Bu küçədə aparılan təmir işləri zamanı yolun köhnə asfalt-beton örtüyünün üst qatı frezlənərək ərazidən daşınıb, bunun əvəzinə küçənin 6 min kv.m-dən çox sahəsinə ikiqat olmaqla yeni asfalt-beton örtüyü döşənib.
Layihənin sonuncu mərhələsində kanalizasiya quyularının qapaqları yenilənəcək, yol kənarlarına yeni yağış barmaqlıqları yerləşdiriləcək, hərəkətin normal təşkili üçün yol nişanları və məlumatverici lövhələr quraşdırılacaq, yolcizgi və yolgöstərici xətlərinin, həmçinin piyada zolaqlarının çəkilməsi işləri aparılmaqla müasir yol infrastrukturu yaradılaraq vətəndaşların istifadəsinə veriləcək.