Xəbər lentİ

Qobu qəsəbəsinin 5 küçəsi əsaslı şəkildə yenidən qurulur

08:25, 15.08.20
Oxunub: 3 187
Gundem / İQTİSADİYYAT
Qobu qəsəbəsinin 5 küçəsi əsaslı şəkildə yenidən qurulur

Prezident İlham Əliyevin müvafiq Sərəncamına əsasən Abşeron rayonunun Qobu qəsəbəsində sakinlərin gediş-gəlişinin yaxşılaşdırılması məqsədilə Qara Qarayev, Sona Salmanova, Mirzə Ələkbər Sabir, Aşur Həsənbalayev və Çingiz Mustafayev küçələri Avtomobil Yolları Dövlət Agentliyi tərəfindən əsaslı təmir olunur.

Abşeron Rayon İcra Hakimiyyətindən bildirilib ki, hazırda qəsəbənin Çingiz Mustafayev küçəsinə asfalt örtüyü çəkilir.

Uzunluğu 1920 metr olan Çingiz Mustafayev küçəsinə 2 qatdan ibarət və 12 santimetr qalınlığında asfalt-beton örtüyünün döşənməsi işləri aparılır. Bu məqsədlə əraziyə kifayət qədər canlı qüvvə və texnika cəlb edilib. Yaxın günlərdə küçədə təmir-tikinti işlərinin yekunlaşdırılması planlaşdırılır. Bundan sonra küçə zəruri yol nişanları və üfiqi nişanlanma xətləri ilə təmin ediləcək.

Dövlət başçısının imzaladığı Sərəncama əsasən hazırlanan layihələr üzrə Qobu qəsəbəsində hazırda daha 2 küçədə təmir-tikinti işləri həyata keçirilir. Bu, uzunluğu 1,5 kilometr Aşur Həsənbalayev və uzunluğu 2,6 kilometr olan Sona Salmanova küçələridir. Sözügedən küçələrdə yol əsasının tikintisi işləri aparılır. Torpaq işləri yekunlaşıb və küçələrə yeni asfalt-beton örtüyünün döşənməsi işlərinə start veriləcək.

Fikirlər

 Oxşar xəbərlər: