Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin Sərəncamına əsasən tərtib edilmiş Tədbirlər planına uyğun olaraq Tibbi Ərazi Bölmələrini İdarəetmə Birliyinin (TƏBİB) tabeliyindəki Abşeron Rayon Mərkəzi Xəstəxanasının təşkilatçılığı ilə “Təbiətin təbibi” adlı ağacəkmə aksiyası keçirilib.
Aksiya çərçivəsində tibb müəssisəsinin inzibati ərazisində 200 ədəd həmişəyaşıl ağac əkilib. Ağacəkmə aksiyasında yeni əkilmiş ağaclara aqrotexniki qulluq göstərilib.
Tədbirdə TƏBİB-in icraçı direktoru Vüqar Qurbanov, Abşeron Rayon İcra Hakimiyyətinin başçısı Abdin Fərzəliyev, YAP Abşeron rayon təşkilatının sədri Abbas Əliyev və digərləri iştirak edib.
Aksiyanın keçirilməsində əsas məqsəd ölkəmizdə ekoloji tarazlığın təmin edilməsinə dəstək, təbiətə qayğı hissinin təbliği və ətraf mühitin sağlamlaşdırılmasına töhfə verməkdir.
Qeyd edilib ki, aksiya TƏBİB-in tabeliyindəki tibb müəssisələri tərəfindən də silsilə şəkildə davam etdirilir.