– Azərbaycan özünü dünyada idman sahəsində də qabaqcıl ölkə kimi tanıtmışdır. Son
10 ildə idmanda da uğurlarımız fərəhləndirici olmuşdur. Olimpiya oyunlarında, dünya və
Avropa çempionatlarında, beynəlxalq turnirlərdə qazanılan medalların sayı yüksələn xətlə
artmışdır. Mötəbər yarışların keçirildiyi arenalarda dövlətimizin himninin səsləndirilməsinin,
üçrəngli bayrağımızın yüksəklərə qaldırılmasının dəfələrlə sevincini yaşamışıq.
İdmanda yüksək nəticələr o ölkələrdə qazanılır ki, orada mükəmməl baza vardır.
Artıq Azərbaycan da ən müasir idman infrastrukturuna malik ölkədir. Bu istiqamətdə
Abşeron rayonunda həyata keçirilən tədbirləri də uğurlu saymaq olar. Yaradılan yüksək
şərait nəticəsində rayon idmançıları ölkə çempionatlarında və beynəlxalq yarışlarda fərəhləndirici
uğurlar qazanmışlar.
Rayonumuzun idmançıları tezliklə əlamətdar bir hadisənin sevincini yaşayacaqlar.
Abşeronda möhtəşəm Olimpiya İdman Kompleksi inşa olunur. Bu, idmana və idmançılara
Rayon Rəhbərliyi tərəfindən göstərilən yüksək diqqət və qayğının təzahürüdür.
Baş Redaktor: Şamo Əliyev