Aprelin 19-da Bakı İdman Sarayında Azərbaycanın ərazi bütövlüyü döyüşlərdə qəhrəmancasına şəhid olmuş polkovnik-leytenant Raquf Orucovun və digər hərbçilərimizin xatirəsinə həsr olunmuş beynəlxalq cüdo turnirinə start verilib.Gənclər və İdman Nazirliyinin, Azərbaycan Cüdo Federasiyasının təşkilatçılığı ilə keçirilən yarışda Azərbaycandan, Rusiyadan və Gürcüstandan 21 yaşlı idmançılar tatami üzərinə çıxıblar.
Yarışın keçirilməsində məqsəd gənclərdə vətənpərvərlik hissini, döyüş ruhunu, habelə onların Vətənin müdafiəsinə hazırlıq səviyyəsini artırmaq, idmançılar arasında dostluq və yoldaşlıq əlaqələrini möhkəmləndirməkdir.
