Aprelin 18-də gənclər və idman naziri Fərid Qayıbov Xırdalan şəhərində sosialyönümlü fəaliyyət göstərən gənclər təşkilatlarının nümayəndələri ilə görüşüb.
Abşeron Olimpiya İdman Kompleksində keçirilən tədbirdə 12 təşkilatın rəhbəri iştirak edib. Görüşdə həmin ictimai birliklərin fəaliyyət istiqamətləri, onların qarşılaşdıqları çətinliklər, nazirliklə sıx əməkdaşlıq məsələləri müzakirə edilib.
Həmçinin narkomaniyaya qarşı birgə mübarizə, erkən nikah, gənclərin məşğulluğu, regionlarda yaşayan gənclərin qarşılaşdıqları problemlər, gənc ailələrə dəstək, internat məzunları ilə iş, əlil gənclərin idmana cəlb edilməsi və sair istiqamətlər üzrə birgə layihələrin icrasının əhəmiyyəti qeyd olunub.
Gənclərin ictimai fəallığının daha da artırılması, yeni ideyaların həyata keçirilməsi və digər məsələlər barədə fikir mübadiləsi aparılıb.
