İtaliya və Almaniyada satılan Azərbaycan fındığının ixrac coğrafiyası genişləndiriləcək.
Fındıq İstehsalçıları və İxracatçıları Assosiasiyasının yaydığı məlumatda deyilir ki, Azərbaycan 2018-ci ildə fındıq istehsalını artırmaq niyyətindədir. Bununla bağlı adı çəkilən assosiasiya istehsalı 48 faizə yaxın artırmağı planlaşdırır. Belə ki, 2018-ci ildə 60-65 min ton fındıq istehsal etmək nəzərdə tutulur. İxraca gəlincə, bu təkcə istehsalın artımından yox, həm də dünya bazarındakı qiymətlərdən asılıdır. Əgər qiymətlər ucuzlaşmasa, assosiasiyada ixracatın 10 faiz artımı gözlənilir.
Məlumatda o da bildirilir ki, assosiasiya bu il ixrac coğrafiyasının genişləndirilməsi üzrə iş aparacaq.
Hazırda Azərbaycan fındığının əsas satış bazarı İtaliya, Rusiya və Almaniyadır.