Azərbaycan Polis Akademiyasında Azərbaycan Respublikasının Prezidenti yanında Gənclər Fondunun Maliyyə dəstəyi ilə “Təkan” Tələbə Gənclərin İctimai Birliyinin “Yeniyetmə və gənclər arasında sosial-psixoloji maarifləndirmə tədbirləri” adlı layihəsinin təqdimatı keçirilibdir. Tədbirdə Akademiyanın rəisinin şəxsi heyət üzrə böyük köməkçisi Polis mayor Anar Əliyev, Akademiyanın psixoloqu Polis kapitanı Rasif Müzəffərov , Akademiyanın kurs rəisləri Polis polkovnik leytenantı Cavanşir Novruzov , Polis mayoru Mehman Hüseynov, Akademiyanın kurs rəis müavinləri Polis mayoru Osman Vəliyev, Polis baş leytenantı Elvin Əhmədov, Gənclər və İdman Nazirliyinin sektor müdri Elşən Hüseynov, “Təkan” TGİB-nin sədri Leyla Kərimova və Birliyin kamandası iştirak edirdilər. Təqdimatdan öncə qonaqlar Akademiyanın nəzdində yerləşən Ümummilli Lider Heydər Əliyevin abidəsi önünə güllər qoydular və sonra Akademiya ilə tanışlıq olubdur. Daha sonra isə təqdimat mərasimini Akademiyanın rəisinin şəxsi heyət üzrə böyük köməkçisi Polis mayor Anar Əliyev açaraq Akademiyada belə bir layihənin keçirilməsinin əhəmiyyətindən danışıbdır. Sonra Gənclər və İdman Nazirliyinin sektor müdri Elşən Hüseynov çıxış edərək layihə haqqında fikirlərini gənclərlə bölüşübdür. Təşkilat və layihə haqqında isə layihə rəhbəri və “Təkan” TGİB-nin sədri Leyla Kərimova çıxış edərək belə layihələrin gələcəkdə də Akademiyada keçirilməsini bildirib və Akademiyaya təşəkkür edibdir. Daha sonra Azərbaycan Respublikasının Prezidenti yanında Gənclər Fondunun Maliyyə dəstəyi ilə “Təkan” TGİB tərəfindən çap edilən “Özünəqəsdin sosial-psixoloji amilləri” adlı kitabın müəllifi Diyanə Hüseynova layihə haqqında geniş təqdimat edərək təlimlər keçdi. Təlimin sonunda Akademiyaya “Özünəqəsdin sosial-psixoloji amilləri” adlı kitab hədiyyə edilibdir.