Müslüm Maqomayev adına Azərbaycan Dövlət Akademik Filarmoniyasında “Gənclərə dəstək” layihəsi çərçivəsində Azərbaycan Respublikasının xalq artisti, professor, “Şöhrət” ordenli Ağaverdi Paşayevin rəhbərliyi altında, Dövlət xalq çalğı alətləri orkestrinin müşayiəti ilə Respublika və Beynəlxalq müsabiqələr laureatlarının konserti keçirilmişdir. Konsertdə seçilmiş iştirakçıların sırasında yer alan Abşeron rayon Xırdalan şəhər 11 illik musiqi məktəbinin IX sinif şagirdləri – Atlas Mehdiyeva – xanəndə (müəllim Qasım Əliyeva) bəstəkar Cahangir Cahangirovun “Füzuli” kantatasını, Baqir Babayev – tar (müəllim Mübariz Paşayev) bəstəkar Süleyman Ələsgərovun “Daimi hərəkət” əsərini ifa etmişlər. Onların ifaları alqışlarla qarşılanmışdır.