İsveçrənin Cənubi Qafqaz üzrə Azərbaycandakı Əməkdaşlıq Bürosunun direktor müavini Simon Heberli Ü.Hacıbəyli adına Bakı Musiqi Akademiyasında (BMA) olub. Simon Heberli BMA-nın beynəlxalq əlaqələr üzrə prorektoru, professor Yeganə Axundova ilə görüşüb.
Görüşdə Azərbaycan və İsveçrə arasında mədəni sahədə ikitərəfli əməkdaşlığın perspektivləri, Azərbaycandakı İsveçrə Əməkdaşlıq Bürosu və Bakı Musiqi Akademiyasının birgə təşkilatçılığı ilə İsveçrənin Milli Gününə həsr olunmuş konsert proqramı, ölkəmizdə keçirilən beynəlxalq musiqi tədbirləri haqqında danışılıb, bundan sonra birgə layihələrin keçirilməsi imkanları müzakirə olunub. Eyni zamanda, ikitərəfli əməkdaşlıq münasibətlərinin inkişafının daha da sürətləndirilməsinin əhəmiyyəti vurğulanıb.