Abşeron Rayon İcra Hakimiyyətinin təşəbbüsü ilə Xırdalan şəhər 2 nömrəli tam orta məktəbin kollektivi Novruz bayramı münasibətilə Xırdalan şəhərində yaşayan şəhid ailələrinə, əlilliyi olan şəxslərə bayram sovqatları paylayıb.
Məktəbin müəllimləri tərəfindən bayram sovqatları şəhid ailələrinə və əlillərə təqdim olunub, onların Novruz bayramları təbrik edilib.
Şəhid ailələri və əlillər göstərilən diqqət və qayğıya görə minnətdarlıqlarını bildiriblər.
Bildiriblər ki, Novruz xalqımızın mədəniyyətini, milli-mənəvi dəyərlərini özündə əks etdirən, dünyaya tanıtdıran qədim el bayramıdır. Ulularımızdan bizə yadigar qalan, milli ruhumuzu və yaddaşımızı bütün zənginliyi ilə özündə əks etdirən Novruz bayramı həm də birlik, bərabərlik, həmrəylik bayramıdır.