Abşeron rayon icra hakimiyyətinin təşəbbüsü ilə Xırdalan şəhər 2 nömrəli tam orta məktəbin müəllim və şagirdləri , 2016-cı ilin aprel döyüşlərində şəhid olmuş, Füzuli rayonundan olan hərbi qulluqçuların ailələrinə bayram sovqatı aparıb. Məktəbin kollektivi Ermənistan silahlı qüvvələrinin atəşi nəticəsində mülki şəxslər – Sahibə Allahverdiyevanın və onun nəvəsi 2 yaşlı Zəhra Quliyevanın həlak olduğu yerə baxış keçirib, 2016-cı ilin aprel döyüşlərində şəhid olmuş hərbi qulluqçuların ayrı-ayrılıqda evlərində olub, onların ailə üzvləri ilə görüşüb və Novruz bayramlarını təbrik ediblər.
Məktəbin direktoru Ə.Camalova şəhid alələri ilə görüşdə qeyd edib ki, inşallah növbəti bayramlarımızı Prezident İlham Əliyevin rəhbərliyi altında birlik və bərabərlik içində işğaldan azad edəcəyimiz Dağlıq Qarabağda, Şuşada, Xankəndində və digər gözəl guşələrimizdə qeyd edək. Ölkəmizin Birinci vitse-prezidenti Mehriban Əliyevanın şəhid ailələrinə diqqət və qayğı çağırışı o deməkdir ki, sizlər bütün Azərbaycan üçün çox dəyərlisiniz.
Şamo Əliyev