Regionların sosial-iqtisadi inkişafına dair üçüncü Dövlət Proqramında müəyyən edilmiş tədbirlərə müvafiq olaraq Lerik rayonunun Durğan kəndinə təbii qaz verilib.
Bu münasibətlə keçirilən mərasimdə çıxış edən Lerik Rayon İcra Hakimiyyətinin başçısı Rövşən Bağırov, Milli Məclisin deputatı İqbal Məmmədov, SOCAR “Azəriqaz” İstehsalat Birliyinin Lənkəran Regional Qaz İstismarı İdarəsinin rəisi Hüseyn Şirinov kənd sakinlərini əlamətdar hadisə və Novruz bayramı münasibətilə təbrik ediblər.
Novruz bayramı günlərində təbii qazın verilməsini böyük sevinclə qarşılayan kənd sakinləri minnətdarlıqlarını bildiriblər.
