Abşeron rayon icra hakimiyyətinin dəstəyi və rayon Məşğulluq Mərkəzinin təşkilatçılığı ilə Abşeron rayonunun Mədəniyyət Mərkəzində əmək yarmarkası keçirilib.
Yaarmarkada 7-si dövlət, qalanları qeyri-dövlət sektoruna aid ümumilikdə 30 müəssisə üzrə 272 boş (vakant) iş yeri işsiz və işaxtaran vətəndaşlara təklif edilib.
Abşeron Rayon Məşğulluq Mərkəzinin sektor müdiri Abbas Məmmədov Abşeronxeber.az-a bildirib ki, yarmarkada 7 dövlət (106 iş yeri) və 23(166 iş yeri) özəl sektora aid müəssisə iştirak edib. Bundan əlavə, yarmarkada fiziki şəxslər də öz vakansiyalarını təqdim ediblər.
Yarmarkada 62 nəfər işə göndəriş alıb. Yarmarkada təqdim olunan vakant iş yerlərində əməkhaqqının ən aşağı həddi 130-200 manat, ən yüksək həddi isə 1500-2000 manat təşkil edib.Tədbir zamanı əmək bazarının tələblərinə uyğun yeni peşələrə yiyələnmək istəyənlərdən 5 nəfər peşə hazırlığı kurslarına cəlb olunmaq üçün qeydiyyata alınıb.
Ümumilikdə yarmarkada 400-ə yaxın sakin iştirak edib.
Şamo Əliyev