Bildiyimiz kimi hər hansı bir qəza və ya sağlamlığa təhlükə yaradan bir vəziyyət baş verdikdə ilkin olaraq dərhal təcili və təxirəsalınmaz tibbi yardım briqadasına müraciət olunur.
İlk tibbi yardımın məqsədi həyatı təhlükəni ortadan qaldırmaq, həyati funksiyaların davam etdirilməsini təmin etmək, xəstə və ya yaralının vəziyyətinin pisləşməsini önləmək, lazım gəldikdə stasionar müalicə üçün xəstəxanaya vaxtında çatdırmaqdır.
Nəzərinizə çatdırırıq ki, Abşeron rayon Təcili və Təxirəsalınmaz tibbi yardım xidməti günün hər bir saatında, bayram günlərində daima xəstələrin çağırışlarının dərhal yerinə yetirilməsi üçün bütün imkanlardan istifadə edirlər.
3 ay ərzində tibbi yardım stansiyasına 8085 müraciət olmuş, anında ilkin tibbi yardım göstərilmişdir. Onlardan 504 nəfəri müxtəlif yüksək ixtisaslı xəstəxanalara stasionar müayinə və müalicəyə cəlb edilmişdir.
Belə ki, ən çox təcili yardıma müraciət edən xəstələrin şikayəti ürək qan-damar sistemi, yuxarı tənəffüs yollarının kəskin infeksiyası və mədə-bağırsaq xəstəliklərindən olmuşdur. Onlara ilkin tibbi yardım göstərilmiş, ambulator şəraitdə müalicə olunması mümkün olan xəstələr sahə poliklinikasına cəlb olunmuş, ambulator müalicəsi mümkün olmayan xəstələr isə stasionara aparilmışdır, beləliklə bir çox insanın həyatı həkimlər tərəfindən xilas edilmişdir.
Abşeron rayon Poliklinkasının baş həkim vəzifəsinin müvəqqəti icraçısı Əminə İsmixanova
