Xırdalan şəhər 1 saylı körpələr evi-uşaq bağçası "Əlvida bağça, salam məktəb!” adlı buraxılış tədbiri keçirib. Tədbirin açılışı ilk olaraq xorun ifasında bağçanın himninin səsləndirilməsi ilə başlanıb. Daha sonra balaca fidanlar vətənə, müəllimə, ana dilimizə, təbiətə, sülhə həsr edilən şeirlər söyləyiblər. Tədbirdə həmçinin uşaqların iştirakı ilə hazırlanmış xarici rəqslər nümayiş etdirilib. "Anam mehribanım Azərbaycanım”, "Biz məktəbə hazırıq” və s. kimi mahnıların ifası tədbiri daha da maraqlı edib.
Bağçanın direktoru Vüsalə Məşədiyeva çıxış edərək qürur hissi ilə bağçanın qazandığı uğurlardan danışıb.Bağçanın fəaliyyətində müəllim kollektivinin əməyinin xüsusi olduğunu vurğulayıb. Direktorun çıxışından sonra uşaqlar müəllimlərinə hazırladıqları şeir parçalarını ifa edib və onlara gül dəstələri hədiyyə ediblər.
Abşeron Rayon İcra Hakimiyyəti başçısı Aparatının Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov uşaqları məktəbə getmələri münasibəti ilə təbrik edib, onlara gələcək həyatda müvəffəqiyyətlər və ölkəmiz üçün layiqli övlad olmalarını arzulayıb.
Tədbirin sonunda 2016-2017 tədris ilində 1 saylı körpələr evi uşaq bağçasında təhsil aldığı müddətdə təlimdə qazandığı uğurlara və qrupun tədbirlərində göstərdiyi fəallığa görə balaca fidanlar tərifnamə və hədiyyələr ilə təltif olunublar.
Məlumat üçün bildirək ki, 1 saylı körpələr evi-uşaq bağçası bu ilin yanvar ayından etibarən Abşeron rayon İcra Hakimiyyətinin daxili imkanları hesabına əsaslı təmirə dayandırılmışdı. 75 çarpayılıq və 4 qrupdan ibarət olan bağça təmir olunaraq müasir avadanlıqlarla təchiz edilərək yenidən iyunun 20-də istifadəyə verilib
Şamo Əliyev