Təhsil naziri Ceyhun Bayramovun əmrinə əsasən, ötən il ümumi təhsil müəssisələrinin 185 məzunu qızıl medal ilə təltif olunub.
Qızıl medala layiq görülmüş məzunlardan biri də Xırdalan şəhər 10 nömrəli tam orta məktəbin məzunu Nəzrin Rzayevadır. Bu gün Abşeron rayon icra hakimiyyəti başçısının müavini Fuad Cəbrayılov qızıl medalı N.Rzayevaya təqdim edib.
Qızıl medala layiq görülmüş N.Rzayeva bu mükafata görə çox sevindiyini bildirib və əməyi olan hər kəsə təşəkkürünü bildirib: “Qızıl medal qazanmaq əlbəttə ki, hər bir şagirdin böyük arzusu və qazana biləcəyi ən yüksək naliyyətidir. Mən də bu gün çox senvincliyəm ki, belə bir yüksək mükafata layiq görülmüşəm. Təbii ki, bizim belə yüksək naliyyət əldə etməyimizin səbəbi ölkədə şagirdlərin təhsil alması üçün yaradılan hərtərəfli şəraitdir. Bütün bunlara görə cənab Prezidentimiz İlham Əliyevə minnətdarıq. Eyni zamanda məktəbin bütün müəllim kollektivinə təşəkkürümü bildirirəm ki, hər zaman bizə diqqətlə yanaşıb və bizi həvəsləndiriblər”.
Şamo Əliyev
