Xırdalan şəhər 9 nömrəli tam orta məktəbdə “Novruz gəlir, yaz gəlir” adlı bayram şənliyi keçirilib.
Tədbirin iştirakçılarını təbrik edən təhsil müəssisəsinin direktoru Həcər İbrahimova Novruzun mənşəyi, tarixi kökləri haqqında danışıb. Bildirilib ki, təbiətin oyanmasının müjdəçisi olan Novruz əsl dünyəvi bayramdır.
Bayram şənliyində şagirdlərin nümayiş etdirdikləri müxtəlif səhnəciklər,milli rəqslərimiz,Novruz bayramına aid şən mahnılar,şeirlər,xüsusən də ıx sinif şagirdlərinin ifa etdiyi,”Arşın mal alan”kinokomediyasından səhnə tədbirə daha da rəngarənglik qatıb.
Novruzun məzəli personajları Kosa və Keçəlin meydanda görünməsi bayram şənliyinə yeni ahəng gətirib.
Sonda tədbir bütün iştirakçıların əl-ələ verərək yallı getməsi ilə başa çatıb.