Novruz bayramı münasibəti ilə Xırdalan şəhər 2 nömrəli tam orta məktəbin müəllim və şagird kollektivi tərəfindən Cocuq Mərcanlı kənd tam orta məktəbinin şagirdlərinə bayram sovqatı aparılıb, məktəbin ərazisində xatirə ağacı əkilib.
Əvvəlcə məktəbin kollektivi Aprel şəhidlərinin xatirəsinə ucaldılmış abidəni ziyarət edərək, önünə gül dəstələri qoyub.
Abşeron Rayon İcra Hakimiyyətinin təşəbbüsü ilə baş tutan səfər zamanı məktəbin müəllim və şagirdləri məktəbin fəaliyyəti ilə yaxından tanış olublar.
Cocuq Mərcanlı məktəbinin direktoru Zamin Həziyev məktəblərin qardaşlaşmasını xatırladaraq qeyd edib ki , bundan sonra Xırdalan məktəbi ilə bizi dostluq əlaqələri bağlayacaq.Görəcəyimiz bütün işlər Azərbaycanımızın daha da inkişaf etməsi, cəmiyyətimizin bilikli olması üçündür.
Xırdalan şəhər 2 nömrəli tam orta məktəbin direktoru Ədalət Camalova qardaşlaşan Xırdalan və Cocuq Mərcanlı məktəblilərini bir-biri ilə daim əlaqə saxladığını, dostluğun, qardaşlığın bariz nümunəsinə çevrildiyini diqqətə çatdırıb.
Novruz bayramını Cocuq Mərcanlı kəndinə qeyd etməkdən qürur duyduğunu dilə gətirən Ə.Camalova qeyd edib ki, Azərbaycanın əldə etdiyi nailiyyətlərdən biri də güclü ordunun yaradılmasıdır: "Bu ordu öz gücünü 2016-cı ildə Aprel döyüşlərində göstərib və üçrəngli bayrağımızı düşməndən azad edilən torpaqlarda ucaldıb. Əminik ki, yaxın zamanlarda bayrağımız işğaldan azad edilmiş Şuşada, Xankəndidə dalğalanacaq".
Nümayəndə heyəti həmçinin Prezident İlham Əliyevin tapşırığına əsasən Cocuq Mərcanlı kəndində inşa edilmiş məscid və “Qayıdış” parkı ilə də yaxından tanış olub.
