Azərbaycanın mədəniyyət beşiyi Şuşa şəhərinin erməni qəsibkarları tərəfindən işğalından 27 il ötür. Bu münasibətlə Xırdalan şəhər 17 saylı körpələr evi-uşaq bağçasında “Bir də dönsəm Şuşaya” adlı tədbir keçirilib.
Əvvəlcə Şuşanın işğalı zamanı həlak olanların xatirəsi bir dəqiqəlik sükutla yad edilib.
Sonra Şuşa şəhərinin tarixinə həsr olunmuş film göstərilib
Bağçanın müdiri Könül İbrahimova bildirib ki, mayın 8-də Azərbaycanın sənət beşiyi, şöhrət tacı olan Şuşa şəhərinin Ermənistan silahlı qüvvələri tərəfindən işğal olunmasından 27 il keçir. Şuşa şəhərində baş vermiş qanlı hadisələr, bu böyük mədəniyyət diyarının ermənilər tərəfindən vəhşicəsinə məhv edilməsi heç vaxt unudulmayacaqdır. K.İbrahimova həmçinin çıxışında vurğulayıb ki, dövlətimizin başçısı İlham Əliyevin diplomatik uğurları və güclü, qüdrətli Azərbaycan ordusu sahəsində biz tezliklə işğal edilmiş torpaqlara qayıdacağıq və Azərbaycan bayrağını Şuşada, Xankəndidə dalğalanadıracağıq.
Tədbirdə körpə fidanların ifasında ədəbi-bədii kompozisiya nümayiş olunub
