Xırdalan şəhər 1 saylı körpələr evi-uşaq bağçasında ümummilli lider Heydər Əliyevin anadan olmasının 96-cı ildönümü ilə əlaqədar tədbir keçirilib.
Bağçanın musiqi zalında keçirilən bayram tədbirində ümummilli lider Heydər Əliyevin əziz xatirəsi bir dəqiqəlik sükutla yad olunub, dövlət himni səsləndirilib.
Bayarm tədbirini bağçanın müdiri Vüsalə Məşədiyeva açaraq qonaqları salamlayıb, tədbir barədə, onun məqsədi və ulu öndərin doğum günü ilə bağlı bağçada görülən işlər barədə məlumat verib.
Qeyri-adi şəxsiyyəti, siyasət və dövlət xadiminə xas olan böyük istedadı ilə fərqlənən Heydər Əliyevin hələ sağlığında canlı əfsanəyə çevrildiyini qeyd edən V.Məşədiyeva bildirib ki, Azərbaycanda bu gün ümummilli liderimizin ideyaları nəinki yaşayır, hətta daha geniş şəkildə həyata keçirilir. Böyük öndərimizin başladığı, lakin axıra çatdıra bilmədiyi işlər onun siyasi kursunun layiqli davamçısı, Azərbaycan Respublikasının Prezidenti İlham Əliyev tərəfindən uğurla davam etdirilir.
Abşeron RİH-in əməkdaşı Samirə İsmayılzadə çıxışında Ulu öndərin elmə və təhsilə xüsusi önəm verməsini xatırlayaraq vurğulayıb ki, Heydər Əliyev körpə fidanların və gənclərin yüksək səviyyədə biliklərə yiyələnməsi üçün Azərbaycanda təhsil sisteminin inkişafına qayğısını əsirgəməmişdir.
Sonra Heydər Əliyevin uşaqlara qayğısını əks etdirən film nümayiş etdirilib, bağçada tərbiyə alan uşaqların ifasında Ulu öndərə, Azərbaycana həsr olunmuş şerlər və mahnılar səslənib, rəqslər ifa olunub.
Tədbir qonaqlar və valideynlər tərəfindən sevinclə qarşılanıb.