Hər fəslin öz gözəlliyi, hər fəslin öz əhval-ruhiyyəsi var. Yaz , yay, payız, qış . Gözəlliyi ilə göz oxşayan bu fəsillər , könül oxşayır. Masazır kənd 30 saylı körpələr-evi uşaq bağçası da bütün fəsillər gözəldir mövzuunda "açıq məşğələ" keçirildi
Tədbirdə Abşeron Rayon İcra hakimiyyətinin məsul əməkdaşları, məktəbəqədər tədris müəssisəsinin tərbiyəçiləri və nur üzlü körpə fidanlar iştirak etdilər.
Fəsillərdən bəhs edən açıq məşğələni Sevda Nuriyeva tədris edib. Balaca fidanların hazırladıqları əyləncəli kompazisiyalar alqışlarla qarşılanıb .
Tədbirdə çıxış edən sözü gedən uşaq bağçasının müdiri İlahə Paşayeva, əvvəlcə açıq məşğələni həvəslə izləyən iştirakçılara dərin minnətdarlığını ifadə etdi. Bildirdi ki, hər fəslin özünəməxsus gözəlliyi var. Ən xoş hal bunladır ki, 4 fəsli Abşeronda öz gözəlliyi ilə daha da seçilir. Uşaq bağçalarında bu səpkidə açıq məşğələlərin keçirilməsinin böyük əhəmiyyət daşıdığını vurğulayan İ.Paşayeva , gələcəyimiz olan bu körpələrin daha savadlı və yüksək elmi biliyə yiyələnməsi üçün qarşıya ciddi məqsədlərin qoyulduğunu diqqətə çatdırdı.
Daha sonra çıxış edən Abşeron Rayon İcra Hakimiyyətinin əməkdaşı Seymur Qasımov, rayon rəhbərliyinin digər sahələr kimi, Uşaq bağçalarınında diqqət və qayğısı ilə əhatələndiyini bildirdi. Açıq məşğələ"nin yüksək səviyyədə keçdiyini, fəsillərlə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd etdi,bağçanın rəhbərliyinə, tədbirin təşkilində əməyi olanlara minnətdarlıqlarını bildirdi .
Qeyd edək ki, Uşaqlıq – şəxsiyyətin formalaşdığı ən vacib dövrdür. Bu illərdə uşaq ətraf aləm haqqında ilkin təsəvvürlər qazanır. Bu baxımdan uşaqlar üçün inkişafetdirici oyunlar bu cür açıq məşğələlər böyük əhəmiyyət kəsb edir. Belə ki, inkişafetdirici oyunlar uşaqların nitqini, diqqətini, yaddaşını, məntiqi təfəkkürünü, yaradıcı təxəyyülünü inkişaf etdirir.
Yazar: Nizami Rəsulov