Xırdlan şəhər 1 saylı körpələr evi-uşaq bağçasında körpə fidanların iştirakı ilə 28 may - Respublika Gününə həsr edilmiş tədbir keçirilib.Dövlət himninin səsləndirilməsi ilə başlanan ədəbi-bədii gecədə bağçanın balaca sakinləri maraqlı rəqs nömrələri nümayiş etdirib, şeir və mahnılar ifa ediblər. Sonra il ərzində bağçada keçirilən tədbirlərdə fərqlənən uşaqlara tərifnamələr təqdim olunub.
Şərqdə ilk demokratik respublika olan Azərbaycan Xalq Cümhuriyyətinin fəaliyyətindən danışan bağçanın müidiri Vüsalə Məşədiyeva qeyd edib ki, cəmi 23 ay ömür sürməsinə baxmayaraq, AXC çox şərəfli və mürəkkəb bir yol keçib, müsəlman Şərqində demokratik və ümumbəşəri dəyərlərə söykənən ilk respublika olub.
Qeyd olunub ki, Azərbaycan Xalq Cümhuriyyətinin hüquqi və mənəvi varisi olan Azərbaycan Respublikası 1918-1920-ci illərdə toplanmış böyük tarixi təcrübəyə söykənərək, demokratik dövlət quruculuğunu dönmədən həyata keçirir və inkişaf etdirir. Cənab Prezident İlham Əliyevin rəhbərliyi altında bu gün Azərbaycanda həyatın bütün sahələrində gerçəkləşdirilən möhtəşəm islahatların bəhrələrini gördükcə, tam əsasla demək olar ki, Azərbaycanın müstəqilliyi dönməzdir və əbədidir.
