Abşer rayonu, Masazır qəsəbə 3 nömrəli tam orta məktəbdə 28 May-Respublika Günü münasibətilə “Yaşa Azərbaycan” adlı tədbir keçirilib.
Əvvəlcə Azərbaycan respublikasının dövlət himni səsləndirilib və Dövlət Bayrağı meydana gətirilib.
Tədbiri giriş sözü ilə açan məktəbin direktoru Lalə Quliyeva 23 ay fəaliyyət göstərmiş Azərbaycan Xalq Cümhuriyyətinin yaranmasının 101-ci ildönümü – istiqlaliyyət tarixindən danışıb və məktəbliləri hər bir azərbaycanlının qürurla qeyd etdiyi 28 may Respublika günü münasibəti ilə təbrik edib.
28 may Respublika Günü münasibəti ilə məktəbdə silsilə tədbirlərin təşkil olunaraq keçirildiyini vurğulayan L.Quliyeva qeyd edib ki, bu gün münasibəti ilə məktəbimizdə divar qəzetləri buraxılmış, dəyirmi masalar, inşa yazıları, rəsm, şeir müsabiqələri , təqdimatlar təşkil edilmişdir.
Bayram tədbirində məktəblilər şerlər söyləyib, milli rəqslər və maraqlı kompozisiyalarla çıxış ediblər.
