Çin Türkiyəyə axtarış-xilasetmə xidməti göndərib.
APA xəbər verir ki, bu barədə CCTV məlumat yayıb.
Bildirilib ki, Çinin göndərdiyi zəlzələdən xilasetmə qrupu bu gün səhər tezdən Türkiyənin Adana hava limanına eniş edib. 82 nəfərlik qrup 20 ton tibbi və digər xilasetmə ləvazimatları və avadanlıqları, həmçinin dörd axtarış-xilasetmə iti gətirib.
Çin, həmçinin Türkiyəyə təcili yardım üçün 40 milyon yuan (6 milyon USD) məbləğində ilk tranş verməyi öhdəsinə götürüb.
Çin Xarici İşlər Nazirliyinin sözçüsü Mao Ninq bu gün jurnalistlərə bildirib ki, onun ölkəsi zəlzələdən zərər çəkmiş Suriyaya da 30 milyon yuan (4,4 milyon dollar) həcmində təcili humanitar yardım təklif edəcək.
Təcili yardımın 2 milyon dollarının nağd pul və təcili ehtiyac duyulan yardım ləvazimatları üçün istifadə ediləcəyini söyləyən Mao Ninq Çinin mövcud ərzaq yardımı layihələrini sürətləndirəcəyini söyləyib.
