"Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı"nın təsdiq edilməsi haqqında Azərbaycan Respublikası Prezidentinin 2019-cu il 29 yanvar tarixli 500 nömrəli Fərmanının 7.1.22. "ABAD" mərkəzləri şəbəkəsinin genişləndirilməsinin davam etdirilməsi və iri şirkətlər tərəfindən ailə təsərrüfatlarının dəstəklənməsinin təşviqi bəndinin icrası ilə bağlı Abşeron rayonu ərazisində mütəmadi olaraq maarifləndirmə tədbirləri həyata keçirilmişdir.
Bu tədbirlər çərçivəsində Abşeron Rayon İcra Hakimiyyətinin, Sahibkarlığın İnkişafı Fondu və Kiçik və Orta Biznesin İnkişafı Agentliyi Abşeronda sahibkarlarla sənaye üzrə biznes subyektlərinin maliyyə əlçatanlığı ilə bağlı müzakirə aparıb.
Sahibkarlığın İnkişafı Fondu (SİF) və Kiçik və Orta Biznesin İnkişafı Agentliyi (KOBİA) Abşeronda sənaye sahəsi üzrə fəaliyyət göstərən sahibkarlarla görüşüb. Görüşdə sənaye sahəsindəki biznes subyektlərinin maliyyə əlçatanlığı ilə bağlı müzakirələr aparılıb, sahibkarların təklifləri dinlənilib. Bununla yanaşı, sahibkarlara dövlətin güzəştli maliyyə mexanizmləri, o cümlədən, SİF-in güzəştli kredit mexanizmi barədə məlumat verilib.
