Abşeron Rayon İcra Hakimiyyətinin (RİH) və Abşeron rayon Gigiyena və Epidemiologiya Mərkəzinin və “Abşeron Rayon Mərkəzi Xəstəxanası” Publik Hüquqi Şəxsin birgə təşkilatçılığı ilə Xırdalan şəhərində, həmçinin rayonun kənd və qəsəbələrində Səhiyyə Nazirliyinin İctimai Səhiyyə və İslahatlar Mərkəzi tərəfindən sağlam həyat tərzi və davranış risk amilləri barədə hazırlanmış maarifləndirmə materialları əhali, eləcə də şagirdlər arasında paylanılıb. Həmçinin görüşlərdə Səhiyyə Nazirliyinin qurumu tərəfindən istifadəyə verilən "İlk Yardım tətbiqi", "Ürəyinizi qoruyun", "Şəkərli diabet", “Sağlam qida”, "Tütündən imtina et", "Saglamlıq" və digər mobil əlavələri haqqında da sakinlərə ətarflı məlumat verilib.
Bildirilib ki, tətbiqləri telefonunuza və ya planşetinizə yükləyərək, təcili tibbi yardım xidmətləri və ya digər təcili yardım qurumları tərəfindən lazım olduqda və ya təlimat verildikdə ilk yardım tədbirlərini həyata keçirmək və ya aparılan tədbirlərə yardımçı olmaq üçün tematik videolara və sadə təlimatlara çıxış imkanı əldə etmiş olursunuz.
Qeyd edək ki, gündəlikdə duran məsələ Azərbaycan Respublikası Prezidentinin 29 yanvar 2019-cu il tarixli, 500 nömrəli Fərmanı ilə təsdiq edilmiş “Azərbaycan Respublikasının 2022-2026-cı llərdə sosial-iqtisadi inkişaf strategiyası”nın həyata keçirilməsi ilə bağlı Tədbirlər Planının 3.3.7.2. “Sağlam həyat tərzi və davranış risk amilləri barədə maarifləndirici materialların (videoçarxlar, bukletlər, plakatlar və s.) hazırlanması və aidiyyəti üzrə paylanması, aidiyyəti mobil tətbiqlərin istifadəyə verilməsi” bəndinin icrasının təmin edilməsi olub.
