“Azərbaycan Respublikasında insan alverinə qarşı mübarizəyə dair 2020─2024-cü illər üçün Milli Fəaliyyət Planı”nın həyata keçirilməsi üzrə tədbirlər planının 4.5.6 yarımbəndinin icrası ilə əlaqədar Abşeron Rayon İcra Hakimiyyətinin təşkilatçılığı, Abşeron-Xızı Regional Təhsil İdarəsinin dəstəyi və iştirakı ilə uşaqların təhsildən yayınmasının qarşısının alınması məqsədilə Abşeron rayonunda fəaliyyət göstərən ümumi təhsil müəssisələrində maarifləndirici görüşlər keçirilib.
Xırdalan şəhərində, eləcə də rayonun kənd və qəsəbələrində yerləşən təhsil müəssisələrində baş tutan görüşlərdə Ulu Öndər Heydər Əliyevin əsasını qoyduğu dövlət-gənclər siyasətinin Prezident İlham Əliyev tərəfindən uğurla davam etdirildiyini, Prezident İlham Əliyevin gənclər siyasəti ilə bağlı imzaladığı fərman və sərəncamların, qəbul edilən dövlət proqramlarının yeniyetmə və gənclərin hərtərəfli inkişafı üçün geniş imkanlar açdığını vurğulayan Abşeron Rayon İcra Hakimiyyəti başçısının müavini Gülnar Rəhimova məktəblilərə Uşaq Hüquqları haqqında Konvensiya və “Uşaq hüquqları haqqında” Azərbaycan Respublikasının Qanunu, eləcə də “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planında haqqında məlumat verib.
Görüşlərdə şagirdlərlə təhsildən yayınmalarının qarşısının alınması, zərərli vərdişlərdən uzaq olmaq üçün asüdə vaxtlarının səmərəli təşkili, sağlam həyat tərzi haqqında maarifləndirici söhbətlər aparılıb