“Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın təsdiq edilməsi haqqında Tədbirlər Planının 10.12.3, 10.12.4, 10.12.5 bəndinin icrası ilə əlaqədar Abşeron rayonunda bir sıra tədbirlər keçirilmişdir. Belə ki, cari il ərzində Qida Təhlükəsizliyi Agentliyi, Abşeron Rayon İcra Hakimiyyəti və Abşeron Rayon Mərkəzi Xəstəxanasınının birgə təşkilatçılığı ilə əhalinin maarifləndirilməsi və istehlak hüquqlarının müdafiəsi istiqamətində genişmiqyaslı tədbirlər həyata keçirmiş, əhali arasında aparılmış təbliğat-təşviqat işləri sahəsində maarifləndirici posterlər paylanılmış, videoçarxlar hazırlanmışdır. Bu istiqamətdə Xırdalan şəhərində, o cümlədən rayonun 16 kənd və qəsəbəsində əhali arasında, eləcə də orta ümumtəhsil müəssisələrində və məktəbəqədər təhsil müəssisələrində görüşlər təşkil edilmiş, “Şəkəri azalt, ömrünü uzat!”, "şəkərin zərərləri", "Şəkər əvəzediciləri" , Gündəlik qida rasionunda meyvə-tərəvəzin əhəmiyyəti", və ”Sağlam qidalanma” mövzularında təqtimatlar keçirilmişdir.
