Mayın 13-də Azərbaycan Gənclər və İdman Nazirliyi (AGİN) və Azərbaycan Uşu Federasiyasının təşkilatçılığı ilə uşu üzrə XXIX Azərbaycan çempionatı start götürəcək.
Abşeron Olimpiya İdman Kompleksində təşkil ediləcək yarışda böyüklər, gənclər və yeniyetmələr iştirak edəcəklər.
Ölkə çempionatı mayın 15-dək davam edəcək. Çempionatın təşkilində əsas məqsəd AGİN-in idman təqvim planının yerinə yetirilməsi, uşu idman növünün kütləviliyinin təmin edilməsi, yığma komandaların tərkibinin formalaşdırılması və idmançıların yarış təcrübəsinin artırılmasıdır.
