Müasir dövrdə dünyanın bir sıra ölkələrində olduğu kimi, Azərbaycanda da insanların daha çox oturaq həyat tərzi keçirməsi əhalinin sağlamlığına və qeyri-infeksion xəstəliklərin inkişafına təsir edən əsas amillərdən biridir.
“Azərbaycan Respublikasında qeyri-infeksion xəstəliklərə qarşı mübarizəyə dair 2015-2020-ci illər üzrə Strategiya” çərçivəsində Abşeron rayonunda da təkminləşdirilmiş şəhərsalma planlarını, o cümlədən idman obyektlərini və parkları təşviq etmək məqsədi ilə mövcüd parklarda və binaların həyətlərində açıq havada idman qurğuları quraşdırılır.
Cari ildə Xırdalan şəhərinin park və xiyabanlarında, o cümlədən məhəllə və küçələrində 201 ədəd oturacaq və 21 ədəd müasir standartlara cavab verən söhbətgah quraşdırılıb, 2472 m2 tamet daşı döşənib. Bundan əlavə, 3578 m bardür (səki daşı) və 50 ədəd idman qurğuları quraşdırılıb. Təkminləşdirilmiş şəhərsalma planlarını, o cümlədən idman obyektlərini və parkları təşviq etmək məqsədi ilə açıq havada yaradılmış bu qurğularda təkcə yeniyetmələr və gənclər deyil, eyni zamanda yaşlı insanlar da idman edə biləcəklər.
Həmçinin son 1 il ərzində şəhərin bir çox küçələrində, parklarda və məhəllələrdə küçə işıqlandırması bərpa olunur. Belə ki, artıq şəhərin Heydər Əliyev prospektinin böyük hissəsi, M.Ə.Rəsulzadə, Səttar Bəhlulzadə, Vəli Axundov, Nizami, 20 Yanvar, Şıxəli Qurbanov, Səməd Vurğun, Mirəsədulla Mirqasımov küçələrində, “Misir Parkı”, şəhərin 28-ci məhəlləsində yerləşən “Ana və uşaq Parkı” və bir neçə məhəllədə küçə işıqları tam bərpa edilib və əlavə olaraq 142 ədəd işıqlandırma dirəkləri quraşdırılıb.
