Respublikamızın bütün bölgələrində olduğu kimi, Abşeron rayonunda da ulu öndər Heydər Əliyevin anadan olmasının 99-cu ildönümü münasibətilə silsilə tədbirlər keçirilir. Belə tədbirlərdən biri də Abşeron Rayon İcra Hakimiyyətinin (RİH) və Abşeron Rayon Təhsil Şöbəsinin birgə təşkilatçılığı ilə rayonun Görədil kəndində reallaşıb.
Dövlət himninin səsləndirilməsi ilə başlanan tədbirdə ulu öndər Heydər Əliyevin və Vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.
Şəhid ailələrinin, qazilərin,müharibə veteranlarının, kənd sakinləri, ictimaiyyət və mətbuat nümayəndələrinin iştirak etdiyi tədbirdə Abşeron RİH başçısının Görədil kənd inzibati ərazi dairəsi üzrə nümayəndəsi Hafiz Mikayılov, Görədil kənd bələdiyyəsinin sədri İlqar Məmmədov və İlqar Yusifov adına Görədil kənd orta məktəbinin direktoru Rəmziyyə Heydərova çıxış edərək Ulu öndər Heydər Əliyevin həyat və fəaliyyətinin mühüm məqamlarını diqqətə çatdırıb, ölkəmizdə təhsilin inkişafında Ulu öndərin misilsiz xidmətlərindən bəhs ediblər.
Çıxışlarda ulu öndər Heydər Əliyevin ölkəmizin ən yeni tarixində müstəqil Azərbaycan dövlətinin siyasi, iqtisadi, hüquqi əsaslarını yaradan və inkişafını təmin edən qüdrətli şəxsiyyət olduğu qeyd olunub.
Tədbirin bədii hissəsində məktəblilər və Görədil kənd klubunun istedadlı şagirdləri Ulu Öndərə həsr olunan şeir, mahnılar və rəqs kompozisiyaları təqdim ediblər.
