Dəyirmi masa ətrafında keçirilən görüşün məqəsədi ötən il ərzində monitorinq qrupu tərəfindən görülmüş işlər və qarşıda duran vəzifələrin, o cülmədən “Azərbaycan Respublikasında məişət zorakılığı ilə mübarizəyə dair 2020–2023-cü illər üçün Milli Fəaliyyət Planı”nın RİH tərəfindən icrası nəzərdə tutulmuş tapşırıqların müzakirəsi olub.
Görüşdə monitorinq qrupunda təmsil olunan təhsil, səhiyyə, ədliyyə və hüquq-mühafizə orqanlarının əməkdaşları hesabat xarakterli çıxış edərək təmsil etdikləri qurumlar tərəfindən 2022-ci ildə görülmüş işlər və qarşıda duran vəzifələr, o cümlədən mövcud problemlər və onların həlli istiqamətində nəzərdə tutulmuş işlər barəsində ətraflı məlumat veriblər.
RİH başçısının müavini, monitorinq qrupunun sədri Gülnar Rəhimova Gender zorakılığı və uşaqlara qarşı zorakılıq ilə mübarizə istiqamətində müdafiə mexanizminin gücləndirilməsi məqsədilə rayonun ümumtəhsil məktəblərində, səhiyyə ocaqlarında, o cümlədən icma səviyyəsində aidiyyati dövlət qurumları, vətəndaş cəmiyyəti inistutları və ağsaqqaların iştirakı ilə vətəndaşlarla mütəmadi olaraq maarifləndirici görüşlərin keçirilməsinin vacilbliyini diqqətə çatdırıb.
Məişət zorakılığı hallarının qarşısının alınması məqsədi ilə zorakılığa məruz qalmış şəxslərlə yanaşı, zorakılıq törətmiş şəxslər üçün reabilitasiya proqramlarının təşkili, o cümlədən tərbiyəvi-qabaqlayıcı işin gücləndirilməsinin vacibliyini qeyd edən G.Rəhimova hazırda bir çox ölkələrdə tətbiq olunan “Dulut modeli əsasında reabilitasiya proqramı” haqqında da məlumat verib.
