Absheron Media
Haqqımızda Bizimlə əlaqə

Azərbaycan sülhü regionun dayanıqlı inkişafı naminə istəyir

Tarix:19-06-2022, 11:43

Azərbaycan sülhü regionun dayanıqlı inkişafı naminə istəyir


Siyasi ekspert və şərhçilərin qənaətincə Azərbaycan postpandemiya dövrünə əminliklə keçid edən nadir ölkələr sırasındadır. Bir-birini əvəzləyən möhtəşəm tədbirlər - Teknofest 2022, Formula I-Azərbaycan Qranprisi 2022-yə ev sahibliyi etməklə dünyanın nəzərləri gah Bakının səmasına, gah da yollarına dikildi. Siyasi baxışların qara bulud kimi toqquşduğu görüşlər, yerlə göy arasında çarpışmada olan dövlətlərin fonunda Azərbaycan beynəlxalq birliyi qlobal məsələlərin müzakirəsinə dəvət etdi. Eyni sürət və templə iyunun 16-da IX Qlobal Bakı Forumu işə başladı. Mövzusu “Qlobal dünya nizamına təhdidlər” olan forum Nizami Gəncəvi Beynəlxalq Mərkəzinin təşkilatçılığı ilə baş tutdu.

Zərurətdən doğmayan təsadüf yoxdur. Dünya nizamının dağılması ilə nəticələnə biləcək təhdidlərin hökm sürdüyü bir dövrdə 50-dən çox ölkənin yüksək səviyyəli nümayəndələrinin iştirakı ilə reallaşan forum, əlbəttə ki, yeni yanaşma və konseptlərin işlənib hazırlanmasına töhfəsini verəcək. Nizami Gəncəvi Beynəlxalq Mərkəzinin Qlobal problemlərin həlli yollarını araşdıran və bu barədə dünya ictimaiyyətini məlumatlandıran beynəlxalq mərkəzə çevrildiyini dövlət başçısı qürurla vurğuladı. Forumun açılışında çıxış edən prezident İlham Əliyev qeyd etdi ki, təhlükəsizlik məsələləri beynəlxalq arena və gündəlikdə duran əsas tezisdir. Avropadakı cari vəziyyətlə bağlı açıq müzakirələrin aparılması tələbi, sözsüz ki, rəsmi Bakının mövqeyinin aydın və dəqiq konturlarını şərtləndirir. Azərbaycan prezidentinin “böhran qaçılmazdır və artıq yaxındadır”- ismarıcı beynəlxalq təşkilatları diqqətli olmağa sövq edir. İstehsalçılar və istehlakçılar arasında maraqlar tarazlığı, sabit bazarın olmasının vacibliyini vurğulayan dövlət başçısı enerji bazarlarındakı mövcud vəziyyəti proqnozlaşdırmağın çətin olduğunu dilə gətirdi. Bu da öz növbəsində çağdaş Azərbaycanın işıqlı gələcəyinə hesablanan iqtisadiyyatda dayanıqlı inkişaf konsepsiyası və bu sahədə mütəmadi təhlillərin dövlət fəaliyyətində mərkəzi yer tutduğuna dəlalət edir.

Forumda Azərbaycan ədalətli mövqeyini dahi mütəfəkkir Nizami Gəncəvinin təbirincə sərgilədi:
“Dünyaya fateh olmaz zülmkarlıq, rəzalət,
Yer üzünün fatehi ədalətdir, ədalət!”
“Azərbaycan müharibədə qalib gəldi, müharibə ədalətli idi, müharibə labüd idi, ədalətin, beynəlxalq hüququn və Azərbaycan xalqının milli ləyaqətinin bərqərar olunması ilə nəticələndi” - deyən İlham Əliyev dünya birliyinə bir daha səsləndi ki, indi sülh, əməkdaşlıq yaratmaq vaxtıdır. Azərbaycan sülh və sabitliyi təkcə özü üçün deyil, regionun da inkişafı naminə istəyir. Atılan addımlar isə qarşılıqlı olmalı, hər iki ölkə gələcəkdə ərazi iddialarından çəkinməlidir. Ermənistanın 2020-ci il 10 noyabr tarixli Üçtərəfli Bəyanata əməl etməsinin vacibliyinə toxunan dövlət başçısı regional sülhün fundamental elementlərinə də tarixi keçid etdi. Zəngəzur dəhlizi! “Əgər bizə bu əlaqə yolu təqdim edilməyəcəksə, sülh haqqında danışmaq çətin olacaq və Azərbaycanın Ermənistanla birgə yaşayış və normal qonşuluq münasibətlərinin qurulmasına yönəlmiş bütün səyləri uğursuz olacaq”.

Bəli, Odlar yurdunun mövqeyi, etnokulturuloji birliyin siyasi-ideoloji üfüqləri gün kimi aydındır! Rəsmi Bakı Ermənistandan da eyni addımları gözləyir. Çünki Azərbaycanla əməkdaşlıq dürüstlük, hünər, cəsarət və iradə istər. Nizami Gəncəvi Beynəlxalq Mərkəzinin təşkilatçılığı ilə reallaşan forumla bağlı fikirlərimizə dahi şairin aşağıdakı misraları ilə xitam veririk: “İradəsiz olma, iradəsizlər, ayaqsız qurd kimi yerdə sürünər”.

Elnura Cavadzadə
Filologiya üzrə elmlər doktoru

Abşeron rayonunda silsilə tədbirlər keçirilib
Abşeron rayonunda silsilə tədbirlər keçirilib
Abşeron güləş məktəbinin yetirmələri Avropa Çempionatında tarix yazdılar
Abşeron güləş məktəbinin yetirmələri Avropa Çempionatında tarix yazdılar
Abşeron rayonunda Polis İşçilərinin Peşə bayramı qeyd edilib
Abşeron rayonunda Polis İşçilərinin Peşə bayramı qeyd edilib
Zəngəzur dəhlizi artıq reallığa çevrilir
Zəngəzur dəhlizi artıq reallığa çevrilir
Abşeron rayonunda Qurban bayramı ilə əlaqədar heyvan kəsimi və satışı üçün yerlər ayrılıb
Abşeron rayonunda Qurban bayramı ilə əlaqədar heyvan kəsimi və satışı üçün yerlər ayrılıb
Xırdalanda Vətən müharibəsi şəhidinin doğum günü qeyd olundu
Xırdalanda Vətən müharibəsi şəhidinin doğum günü qeyd olundu
Dayanıqlı inkişaf məqsədlərinə uyğun olaraq yaşayış məntəqələrimiz yenidən qurulacaq
Dayanıqlı inkişaf məqsədlərinə uyğun olaraq yaşayış məntəqələrimiz yenidən qurulacaq
Biz qalib ölkə kimi əbədi yaşayacayıq
Biz qalib ölkə kimi əbədi yaşayacayıq
“Yeni Şəhər Gündəliyi” şəhərlərimiz üçün daha yaxşı gələcəyi təmin etmək üzrə səylərimizi istiqamətləndirir
“Yeni Şəhər Gündəliyi” şəhərlərimiz üçün daha yaxşı gələcəyi təmin etmək üzrə səylərimizi istiqamətləndirir
Abşeron rayonunda 26 iyun Silahlı Qüvvələr Günü ilə əlaqədar keçirilən tədbirlər davam etdirilib
Abşeron rayonunda 26 iyun Silahlı Qüvvələr Günü ilə əlaqədar keçirilən tədbirlər davam etdirilib
Abşeronda 26 İyun Silahlı Qüvvələr Günü silsilə tədbirlərlə qeyd olundu
Abşeronda 26 İyun Silahlı Qüvvələr Günü silsilə tədbirlərlə qeyd olundu
Abşeron rayonunda silsilə tədbirlər keçirilib
Abşeron rayonunda silsilə tədbirlər keçirilib
İmzalanmış Siyasi Bəyannamə münasibətləri keyfiyyətcə yeni səviyyəyə çatdırır
İmzalanmış Siyasi Bəyannamə münasibətləri keyfiyyətcə yeni səviyyəyə çatdırır
Azərbaycan gücləndikcə onun ordusu da güclənir
Azərbaycan gücləndikcə onun ordusu da güclənir
26 İyun - Şərəf tariximiz!
26 İyun  - Şərəf tariximiz!
Ərdoğan BMT-nin Baş katibi ilə Ukraynanı müzakirə etdi
Ərdoğan BMT-nin Baş katibi ilə Ukraynanı müzakirə etdi
Toylarla bağlı qadağalar ləğv olundu
Toylarla bağlı qadağalar ləğv olundu
Məktəbəqədər təhsil müəssisələrinə qəbulla bağlı valideynlərin nəzərinə!
Məktəbəqədər təhsil müəssisələrinə qəbulla bağlı valideynlərin nəzərinə!
Lənkəranlı gənc musiqiçilər Xırdalan 11 illik musiqi məktəbinin qonağı olublar
Lənkəranlı gənc musiqiçilər Xırdalan 11 illik musiqi məktəbinin qonağı olublar