Abşeron rayonunda Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramının icrasına dair Tədbirlər Planına uyğun olaraq tədbir keçirilmişdir. Tədbirdə rayon ərazisində fəaliyyət göstərən inzibati ərazi dairəsi üzrə nümayəndəlikləri, bələdiyyə üzvləri, təhsil işçiləri, ictimaiyyət nümayəndələri və “Abşeron” qəzetinin əməkdaşları iştirak etmişdir. Qeyd edilmişdir ki, Azərbaycan dilinin inkişaf etdirilməsi, dilin qorunmasını hər birimiz
Müstəqilliyimiz əldə olunduqdan sonra dövlət rəmzlərindən biri sayılan dilin - Azərbaycan dilinin tətbiq və inkişaf etdirilməsinə dövlət qayğısı artırıldı. Ana dilimizin öyrənilməsi, elmi tədqiqinin fəallaşdırılması, dilimizin cəmiyyətdə tətbiq dairəsinin genişləndirilməsinə xüsusi diqqət yetirilməyə başlandı. Ümummilli Lider Heydər Əliyevin məlum Sərəncamı əsasında "Azərbaycan Respublikasında dövlət dili haqqında" Qanun layihəsinin hazırlanması dilimizə olan diqqətdən irəli gəldi. "Azərbaycan əlifbası və Azərbaycan dili gününün təsis edilməsi haqqında" Heydər Əliyevin 9 avqust 2001-ci il Fərmanı dilimizin inkişafına öz töhfələrini verdi.
Müstəqil Azərbaycan dövlətinin dil siyasətinin müəyyənləşməsində Azərbaycan xalqının ümummilli lideri Heydər Əliyevin misilsiz xidmətlərindən danışaraq bildirilmişdir ki, 1995-ci ildə ümumxalq səsverməsi yolu ilə qəbul olunmuş Azərbaycan Respublikasının Konstitusiyasında Azərbaycan dilinin Azərbaycan Respublikasının dövlət dili kimi təsbit olunması Ulu Öndərin dil və dilçilik sahəsinə necə həssaslıqla yanaşmasının ən bariz nümunəsidir.
Vurğulanmışdır ki, dövlət başçısı İlham Əliyevin 9 aprel 2013-cü il tarixdə "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı"nın təsdiq edilməsi haqqında sərəncamı mütərəqqi əhəmiyyətə malik olmaqla, Azərbaycan dilinin qloballaşma şəraitində zamanın tələblərinə uyğun istifadəsi, eləcə də dilçilik elminin müxtəlif sahələri üzrə yüksək ixtisaslı kadrların hazırlanması, gənc nəslin ana dilinə sevgi və hörmət ruhunda tərbiyə olunması, ədəbi dilin normalarına ciddi surətdə əməl edilməsi kimi məsələləri özündə ehtiva edir. Dilin inkişafını və ədəbi dil normalarının qorunmasını təmin edən qanunvericilik bazasının təkmilləşdirilməsi, dil və nitq mədəniyyətinin yüksəldilməsi, lüğət tərkibinin və qrammatik normaların sistemləşdirilməsi Dövlət Proqramının əsas vəzifələrindəndir. Bu proqramın icrasından gözlənilən nəticələr Azərbaycan dilinin və dilçilik elminin inkişafına hesablanıb. Təbii ki, dilin qorunmasının, təmizlənməsinin, saflaşmasının və zənginləşməsinin dilçi alimlərimizin birbaşa işi olmuş olsa da, hər bir vətəndaş, xüsusilə, media sahəsində çalışanlar bu mübarizəni fəal işləri ilə aparmalıdırlar.
Tədbir qarşılıqlı dikusiya şəraitində keçmiş, iştirakçıları maraqlandıran suallar cavablandırılmışdır.
